E diseño di e florin karibense nobo ta inspirá pa mundu bou di awa.
Na 2010, Kòrsou i Sint Maarten a bira pais outónomo den Reino Hulandes despues di disolushon di Antia Hulandes. A disidí e tempu ei ku e dos paisnan lo forma un union monetario ku un banko sentral komun i un moneda nobo - e florin karibense. E moneda nobo akí ta remplasá florin antiano ku tabata den sirkulashon riba e islanan di èks Antia Hulandes.
Florin karibense ta mará legalmente na dòler estadounidense ku un tasa di kambio fiho di US$ 1 = 1,79 florin karibense. E tasa di kambio di florin antiano pa florin karibense ta 1:1. Balor di florin karibense ta igual na esun di florin antiano. Fecha di introdukshon di florin karibense den e union monetario ta 31 di mart 2025.
E diseño di e biyetenan di florin karibense ta inspirá pa mundu bou di awa. Banda dilanti di e biyetenan, por mira e mundu vibrante bou di e awanan di Kòrsou i Sint Maarten, mientras ku na banda patras por mira monumento históriko i kultural di ámbos pais.
E monedanan di florin karibense ta kompartí e tema marítimo ku kokolishi, turtuga i olanan di laman. E monedanan tin un diseño komparabel pero distinto pa Kòrsou i Sint Maarten
CBCS a lansa e èp 'My Caribbean Guilder' pa públiko por sera konosí ku e biyete- i monedanan nobo. E èp ta mustra e markanan di seguridat di nos sèn nobo. Tambe e èp ta duna informashon tokante e tema di florin karibense i tur kos ku ta visibel riba e biyete- i monedanan. Download e èp grátis i kuminsá eksplorá nos tesoronan di Karibe.
Algun di e preguntanan mas frekuente tokante e florin karibense
Riba 10 di òktober 2010, Kòrsou i Sint Maarten a bira pais outónomo den Reino Hulandes. E paisnan a forma un union monetario ku un banko sentral i un moneda nobo komun. Den e ‘Regeling Gemeenschappelijk Geldstelsel Curaçao en Sint Maarten’, ku ta regla e moneda ku e union monetario di e dos paisnan akí ta usa, ta stipulá ku florin karibense ta bini na lugá di florin antiano.
E florin karibense ta método legal di pago entrante 31 di mart 2025
Meskos ku ta e kaso ku florin antiano, florin karibense ta mará legalmente na dòler merikano ku un tasa di kambio fiho di US$ 1 = 1,79.
Bishitá e página di pregunta òf tuma kontakto ku nos
