Kada moneda tin un rant lizu ku ta konektá e dos bandanan. Riba e rant, tin e palabranan GOD*ZIJ*MET*ONS (Dios sea ku nos).
Kòrsou i Sint Maarten, huntu ku Aruba, Boneiru, Sint Eustatius, Saba i Hulanda, ta forma Reino Hulandes, ku Rei Willem-Alexander komo hefe di estado.
Riba e moneda, por mira un imágen kolo di oro di Rei, su nòmber, ‘Willem-Alexander’ i e palabranan ‘Koning der Nederlanden’.
E isla di Kòrsou rondoná pa e olanan di laman Karibe. Si bo ripará bon, bo por mira e palabranan ‘Curaçao’ grabá den e olanan.
Bou di e isla, por mira dos turtuga blanku, un espesie nativo di laman Karibe. E yunan di turtuga ta sali for di un nèshi ku nan mama a koba den santu na laman i ta pasa e promé tres pa sinku añanan di nan bida den kama di lima sargaso ku ta drif riba awa. Den e kamanan akí, nan ta protegé kontra bestia ku ta yag riba nan i nan tin kuminda. Turtuga blanku hóben ta karnívoro ku ta kome prinsipalmente animal sin wesu i piská chikitu. Turtuga machu no ta subi tera nunka mas i e muhénan ta subi tera solamente unabes ku nan ta adulto, pa pone webu.
Dive into the details and discover their unique designs on the banknotes page.
