E monedanan tin un rant klaramente visibel ku ta konektá e dos bandanan, ku patronchi, impreshon i repchi, karakterístiko pa kada denominashon.
E palabra ‘Sint Maarten’ ta konektá e shelu i olanan di Karibe.
Den hopi kultura, flor di asahar (Citrus sinensis) ta un símbolo di puresa, virtut i prosperidat. Mata di asahar ta entre e masha poko matanan ku ta floria i duna fruta pareu. P’esei mes, e ta un símbolo di abundansia tambe.
Arcopagia fausta ta un kokolishi ku ta aparesé na tur parti di Karibe. Nan por krese bira un diameter di mas ku 7 centimeter. Hopi bes, nan kaska koló krèm kla ta kubrí ku un kapa di alga i otro organismo ku ta sirbi pa kamuflá nan.
Denominashon di e moneda ta aparesé entre e shelu i olanan karibense, meimei di un konstelashon sirkular di trinta pèrla.
Tres grupo di dies pèrla. E tres gruponan di dies ta referí na e fecha di 10 di òktober 2010, dia ku Sint Maarten i Kòrsou a haña nan státus outónomo den Reino i a pone e base pa florin karibense.
Dive into the details and discover their unique designs on the Banknotes pages.
