Kada biyete di Cg tin un koló distinto. E koló di Cg 200 ta predominantemente lila.
E espesie di kabai di awa ku nos konosé, Hippocampus reidi, por bira 10 pa 15 centimeter largu. Nan koló por varia: pretu, oraño, kòrá i tin biaha hel.Nan snuit ta funshoná manera un richi ku nan ta usa pa chupa krustáseo i kabaron chikitu i kome nan. Kabai di awa por move kada wowo apart. Esei ta yuda nan ripará lihé ora tin proi òf bestia ku ta yag den nan serkania. E animalnan akí tin un solo pareha i tur mainta nan ta tene un ritual di parmentu pa reafirmá nan laso. Kabai di awa ta konosí pa e ròl úniko ku e machu ta hunga den kuido di e yunan. E webunan fekundá ta den un saku na kurpa di e machu, kaminda nan ta desaroyá den un ambiente relativamente sigur. Ora e yunan sali for di webu, nan ta landa sali for di e saku, i p’esei ta parse ku ta e machu ta pari nan. E bestianan akí ta skars i nan ta riba e Lista Kòrá di espesie vulnerabel di IUCN.
E kokolishi Tonna galea ta grandi. E por yega un tamaño máksimo di 15 centimeter aproksimadamente. Nan kas di kokolishi ta rondó, di koló maron skur pa kòrá kimá, ku ondulashon profundo parti pafó. Esaki tambe ta un espesie di kokolishi karnívoro i ta yag prinsipalmente riba lol’i awa. E tin dos probósis (dos struktura largu riba su kabes ku parse antèna) ku e ta usa pa gara su proi i inyektá un enzima digestivo pa mat’é. E ta usa e mesun método akí pa kore ku enemigu ora e ta den peliger
Brùg di Ponton. Kòrsou su sentro históriko di siudat, Willemstad, ta partí den Punda i Otrabanda, i e dos partinan akí ta situá na kada banda di e entrada largu di bahia di Santa Ana. Pa konektá e dos bandanan, Leonard Burlington Smith a konstruí e promé vershon di Koningin Emmabrug na 1888. Debí ku e brùg mester habri regularmente pa laga barku pasa, a konstruy’é riba ponton flotante. Brùg di Ponton a pasa den vários renobashon for di dia ku a trah’é i su aspekto a kambia un poko, pero e diseño básiko ku e 16 pontonnan ku e ta drif riba dje a keda meskos. Pa basta tempu kaba, su nòmber di kariño ta: Swinging Old Lady.
